The most devotional prayer of Durgā, popularly called Mahisasuramardini stotram is actually titled श्री भगवतीपद्य पुष्पाञ्जलि स्तोत्रम् (śrī bhagavatīpadya puṣpāñjali stotram). It is composed of 21 stanza in the honour of Durgā who manifests fully in the navamī tithi – hence the number 21 (12+9=21). By now the varga principle is well understood to know that the number 21 is in the mental consciousness level range of 13-24. It is the prayer of protection that a child (sādhaka) seeks from his mother, the mother of all creation, the Earth Mother. Before venturing into the study of Khavedāṁśa and the higher divisions, we offer this prayer to Durgā.
{tab=Pre-Prayer}
॥ भगवतीपद्यपुष्पांजलिस्तोत्र एवं महिषासुरमर्दिनिस्तोत्रम्॥
|| bhagavatīpadyapuṣpāṁjalistotra evaṁ mahiṣāsuramardinistotram ||
श्री भगवत्यै नमः॥
śrī bhagavatyai namaḥ ||
भगवति भगवत्पदपङ्कजं भ्रमरभूतसुरासुरसेवितम्।
सुजनमानसहंसपरिस्तुतं कमलयाऽमलया निभृतं भजे॥ १॥
bhagavati bhagavatpadapaṅkajaṁ bhramarabhūtasurāsurasevitam |
sujanamānasahaṁsaparistutaṁ kamalayā’malayā nibhṛtaṁ bhaje || 1||
ते उभे अभिवन्देऽहं विघ्नेशकुलदैवते।
नरनागाननस्त्वेको नरसिंह नमोऽस्तुते॥ २॥
te ubhe abhivande’haṁ vighneśakuladaivate |
naranāgānanastveko narasiṁha namo’stute || 2||
हरिगुरुपदपद्मं शुद्धपद्मेऽनुरागाद्-
विगतपरमभागे सन्निधायादरेण।
तदनुचरि करोमि प्रीतये भक्तिभाजां
भगवति पदपद्मे पद्यपुष्पाञ्जलिं ते॥ ३॥
harigurupadapadmaṁ śuddhapadme’nurāgād-
vigataparamabhāge sannidhāyādareṇa |
tadanucari karomi prītaye bhaktibhājāṁ
bhagavati padapadme padyapuṣpāñjaliṁ te || 3||
केनैते रचिताः कुतो न निहिताः शुम्भादयो दुर्मदाः
केनैते तव पालिता इति हि तत् प्रश्ने किमाचक्ष्महे।
ब्रह्माद्या अपि शंकिताः स्वविषये यस्याः प्रसादावधि
प्रीता सा महिषासुरप्रमथिनी च्छिन्द्यादवद्यानि मे॥ ४॥
kenaite racitāḥ kuto na nihitāḥ śumbhādayo durmadāḥ
kenaite tava pālitā iti hi tat praśne kimācakṣmahe |
brahmādyā api śaṁkitāḥ svaviṣaye yasyāḥ prasādāvadhi
prītā sā mahiṣāsurapramathinī cchindyādavadyāni me || 4||
पातु श्रीस्तु चतुर्भुजा किमु चतुर्बाहोर्महौजान्भुजान्
धत्तेऽष्टादशधा हि कारणगुणाः कार्ये गुणारम्भकाः।
सत्यं दिक्पतिदन्तिसंख्यभुजभृच्छम्भुः स्वय्म्भूः स्वयं
धामैकप्रतिपत्तये किमथवा पातुं दशाष्टौ दिशः॥ ५॥
pātu śrīstu caturbhujā kimu caturbāhormahaujānbhujān
dhatte’ṣṭādaśadhā hi kāraṇaguṇāḥ kārye guṇārambhakāḥ |
satyaṁ dikpatidantisaṁkhyabhujabhṛcchambhuḥ svaymbhūḥ svayaṁ
dhāmaikapratipattaye kimathavā pātuṁ daśāṣṭau diśaḥ || 5||
प्रीत्याऽष्टादशसंमितेषु युगपद्द्वीपेषु दातुं वरान्
त्रातुं वा भयतो बिभर्षि भगवत्यष्टादशैतान् भुजान्।
यद्वाऽष्टादशधा भुजांस्तु बिभृतः काली सरस्वत्युभे
मीलित्वैकमिहानयोः प्रथयितुं सा त्वं रमे रक्ष माम्॥ ६॥
prītyā’ṣṭādaśasaṁmiteṣu yugapaddvīpeṣu dātuṁ varān
trātuṁ vā bhayato bibharṣi bhagavatyaṣṭādaśaitān bhujān |
yadvā’ṣṭādaśadhā bhujāṁstu bibhṛtaḥ kālī sarasvatyubhe
mīlitvaikamihānayoḥ prathayituṁ sā tvaṁ rame rakṣa mām || 6||
{tab=Stotra 1-7}
अयि गिरिनंदिनि नंदितमेदिनि विश्वविनोदिनि नंदनुते
गिरिवरविंध्यशिरोधिनिवासिनि विष्णुविलासिनि जिष्णुनुते।
भगवति हे शितिकण्ठकुटुंबिनि भूरिकुटुंबिनि भूरिकृते
जय जय हे महिषासुरमर्दिनि रम्यकपर्दिनि शैलसुते॥ १॥
ayi girinaṁdini naṁditamedini viśvavinodini naṁdanute
girivaraviṁdhyaśirodhinivāsini viṣṇuvilāsini jiṣṇunute |
bhagavati he śitikaṇṭhakuṭuṁbini bhūrikuṭuṁbini bhūrikṛte
jaya jaya he mahiṣāsuramardini ramyakapardini śailasute || 1||
सुरवरवर्षिणि दुर्धरधर्षिणि दुर्मुखमर्षिणि हर्षरते
त्रिभुवनपोषिणि शंकरतोषिणि किल्बिषमोषिणि घोषरते।
दनुजनिरोषिणि दितिसुतरोषिणि दुर्मदशोषिणि सिन्धुसुते
जय जय हे महिषासुरमर्दिनि रम्यकपर्दिनि शैलसुते॥ २॥
suravaravarṣiṇi durdharadharṣiṇi durmukhamarṣiṇi harṣarate
tribhuvanapoṣiṇi śaṁkaratoṣiṇi kilbiṣamoṣiṇi ghoṣarate |
danujaniroṣiṇi ditisutaroṣiṇi durmadaśoṣiṇi sindhusute
jaya jaya he mahiṣāsuramardini ramyakapardini śailasute || 2||
अयि जगदंब मदंब कदंबवनप्रियवासिनि हासरते
शिखरिशिरोमणितुङ्गहिमालयशृंगनिजालयमध्यगते।
मधुमधुरे मधुकैटभगंजिनि कैटभभंजिनि रासरते
जय जय हे महिषासुरमर्दिनि रम्यकपर्दिनि शैलसुते॥ ३॥
ayi jagadaṁba madaṁba kadaṁbavanapriyavāsini hāsarate
śikhariśiromaṇituṅgahimālayaśṛṁganijālayamadhyagate |
madhumadhure madhukaiṭabhagaṁjini kaiṭabhabhaṁjini rāsarate
jaya jaya he mahiṣāsuramardini ramyakapardini śailasute || 3||
अयि शतखण्डविखण्डितरुण्डवितुण्डितशुण्डगजाधिपते
रिपुगजगण्डविदारणचण्डपराक्रमशुण्ड मृगाधिपते।
निजभुजदण्डनिपातितखण्डनिपातितमण्डभटाधिपते
जय जय हे महिषासुरमर्दिनि रम्यकपर्दिनि शैलसुते॥ ४॥
ayi śatakhaṇḍavikhaṇḍitaruṇḍavituṇḍitaśuṇḍagajādhipate
ripugajagaṇḍavidāraṇacaṇḍaparākramaśuṇḍa mṛgādhipate |
nijabhujadaṇḍanipātitakhaṇḍanipātitamaṇḍabhaṭādhipate
jaya jaya he mahiṣāsuramardini ramyakapardini śailasute || 4||
अयि रणदुर्मदशत्रुवधोदितदुर्धरनिर्जरशक्तिभृते
चतुरविचारधुरीणमहाशिवदूतकृतप्रमथाधिपते।
दुरितदुरीहदुराशयदुर्मतिदानवदूतकृतांतमते
जय जय हे महिषासुरमर्दिनि रम्यकपर्दिनि शैलसुते॥ ५॥
ayi raṇadurmadaśatruvadhoditadurdharanirjaraśaktibhṛte
caturavicāradhurīṇamahāśivadūtakṛtapramathādhipate |
duritadurīhadurāśayadurmatidānavadūtakṛtāṁtamate
jaya jaya he mahiṣāsuramardini ramyakapardini śailasute || 5||
अयि शरणागतवैरिवधूवरवीरवराभयदायकरे
त्रिभुवनमस्तकशूलविरोधिशिरोधिकृतामलशूलकरे।
दुमिदुमितामरदुंदुभिनादमहोमुखरीकृततिग्मकरे
जय जय हे महिषासुरमर्दिनि रम्यकपर्दिनि शैलसुते॥ ६॥
ayi śaraṇāgatavairivadhūvaravīravarābhayadāyakare
tribhuvanamastakaśūlavirodhiśirodhikṛtāmalaśūlakare |
dumidumitāmaraduṁdubhinādamahomukharīkṛtatigmakare
jaya jaya he mahiṣāsuramardini ramyakapardini śailasute || 6||
अयि निजहुँकृतिमात्रनिराकृतधूम्रविलोचनधूम्रशते
समरविशोषितशोणितबीजसमुद्भवशोणितबीजलते।
शिवशिव शुंभनिशुंभमहाहवतर्पितभूतपिशाचरते
जय जय हे महिषासुरमर्दिनि रम्यकपर्दिनि शैलसुते॥ ७॥
ayi nijahukṛtimātranirākṛtadhūmravilocanadhūmraśate
samaraviśoṣitaśoṇitabījasamudbhavaśoṇitabījalate |
śivaśiva śuṁbhaniśuṁbhamahāhavatarpitabhūtapiśācarate
jaya jaya he mahiṣāsuramardini ramyakapardini śailasute || 7||
{tab=Stotra 8-14}
धनुरनुसंगरणक्षणसंगपरिस्फुरदंगनटत्कबके
कनकपिशंगपृषत्कनिषंगरसद्भटशृंगहतावटुके।
कृतचतुरङ्गबलक्षितिरङ्गघटद्बहुरङ्गरटद्बटुके
जय जय हे महिषासुरमर्दिनि रम्यकपर्दिनि शैलसुते॥ ८॥
dhanuranusaṁgaraṇakṣaṇasaṁgaparisphuradaṁganaṭatkabake
kanakapiśaṁgapṛṣatkaniṣaṁgarasadbhaṭaśṛṁgahatāvaṭuke |
kṛtacaturaṅgabalakṣitiraṅgaghaṭadbahuraṅgaraṭadbaṭuke
jaya jaya he mahiṣāsuramardini ramyakapardini śailasute || 8||
सुरललनाततथेयितथेयितथाभिनयोत्तरनृत्यरते
हासविलासहुलासमयि प्रणतार्तजनेऽमितप्रेमभरे।
धिमिकिटधिक्कटधिकटधिमिध्वनिघोरमृदंगनिनादरते
जय जय हे महिषासुरमर्दिनि रम्यकपर्दिनि शैलसुते॥ ९॥
suralalanātatatheyitatheyitathābhinayottaranṛtyarate
hāsavilāsahulāsamayi praṇatārtajane’mitapremabhare |
dhimikiṭadhikkaṭadhikaṭadhimidhvanighoramṛdaṁganinādarate
jaya jaya he mahiṣāsuramardini ramyakapardini śailasute || 9||
जय जय जप्यजये जयशब्दपरस्तुतितत्परविश्वनुते
झणझणझिञ्जिमिझिंकृतनूपुरसिंजितमोहितभूतपते।
नटितनटार्धनटीनटनायकनाटितनाट्यसुगानरते
जय जय हे महिषासुरमर्दिनि रम्यकपर्दिनि शैलसुते॥ १०॥
jaya jaya japyajaye jayaśabdaparastutitatparaviśvanute
jhaṇajhaṇajhiñjimijhiṁkṛtanūpurasiṁjitamohitabhūtapate |
naṭitanaṭārdhanaṭīnaṭanāyakanāṭitanāṭyasugānarate
jaya jaya he mahiṣāsuramardini ramyakapardini śailasute || 10||
अयि सुमनःसुमनः सुमनः सुमनः सुमनोहरकांतियुते
श्रितरजनीरजनीरजनीरजनीरजनीकरवक्त्रवृते।
सुनयनविभ्रमरभ्रमरभ्रमरभ्रमरभ्रमराधिपते
जय जय हे महिषासुरमर्दिनि रम्यकपर्दिनि शैलसुते॥ ११॥
ayi sumanaḥsumanaḥ sumanaḥ sumanaḥ sumanoharakāṁtiyute
śritarajanīrajanīrajanīrajanīrajanīkaravaktravṛte |
sunayanavibhramarabhramarabhramarabhramarabhramarādhipate
jaya jaya he mahiṣāsuramardini ramyakapardini śailasute || 11||
सहितमहाहवमल्लमतल्लिकमल्लितरल्लकमल्लरते
विरचितवल्लिकपल्लिकमल्लिकझिल्लिकभिल्लिकवर्गवृते।
सितकृतफुल्लिसमुल्लसितारुणतल्लजपल्लवसल्ललिते
जय जय हे महिषासुरमर्दिनि रम्यकपर्दिनि शैलसुते॥ १२॥
sahitamahāhavamallamatallikamallitarallakamallarate
viracitavallikapallikamallikajhillikabhillikavargavṛte |
sitakṛtaphullisamullasitāruṇatallajapallavasallalite
jaya jaya he mahiṣāsuramardini ramyakapardini śailasute || 12||
अविरलगण्डगलन्मदमेदुरमत्तमतङ्गजराजपते
त्रिभुवनभूषणभूतकलानिधिरूपपयोनिधिराजसुते।
अयि सुदती जनलालसमानसमोहनमन्मथराजसुते
जय जय हे महिषासुरमर्दिनि रम्यकपर्दिनि शैलसुते॥ १३॥
aviralagaṇḍagalanmadameduramattamataṅgajarājapate
tribhuvanabhūṣaṇabhūtakalānidhirūpapayonidhirājasute |
ayi sudatī janalālasamānasamohanamanmatharājasute
jaya jaya he mahiṣāsuramardini ramyakapardini śailasute || 13||
कमलदलामलकोमलकांतिकलाकलितामलभाललते
सकलविलासकलानिलयक्रमकेलिचलत्कलहंसकुले।
अलिकुलसङ्कुलकुवलयमण्डलमौलिमिलद्भकुलालिकुले
जय जय हे महिषासुरमर्दिनि रम्यकपर्दिनि शैलसुते॥ १४॥
kamaladalāmalakomalakāṁtikalākalitāmalabhālalate
sakalavilāsakalānilayakramakelicalatkalahaṁsakule |
alikulasaṅkulakuvalayamaṇḍalamaulimiladbhakulālikule
jaya jaya he mahiṣāsuramardini ramyakapardini śailasute || 14||
{tab=Stotra 15-21}
करमुरलीरववीजितकूजितलज्जितकोकिलमञ्जुमते
मिलितपुलिन्दमनोहरगुञ्जितरन्जितशैलनिकुञ्जनिकुञ्जगते।
निजगुणभूतमहाशबरीगणसद्गुणसंभृतकेलितले
जय जय हे महिषासुरमर्दिनि रम्यकपर्दिनि शैलसुते॥ १५॥
karamuralīravavījitakūjitalajjitakokilamañjumate
militapulindamanoharaguñjitaranjitaśailanikuñjanikuñjagate |
nijaguṇabhūtamahāśabarīgaṇasadguṇasaṁbhṛtakelitale
jaya jaya he mahiṣāsuramardini ramyakapardini śailasute || 15||
कटितटपीतदुकूलविचित्रमयूखतिरस्कृतचंद्ररुचे
प्रणतसुरासुरमौलिमणिस्फुरदंशुलसन्नखचंद्ररुचे।
जितकनकाचलमौलिपदोर्जितनिर्झरकुंजरकुंभकुचे
जय जय हे महिषासुरमर्दिनि रम्यकपर्दिनि शैलसुते॥ १६॥
kaṭitaṭapītadukūlavicitramayūkhatiraskṛtacaṁdraruce
praṇatasurāsuramaulimaṇisphuradaṁśulasannakhacaṁdraruce |
jitakanakācalamaulipadorjitanirjharakuṁjarakuṁbhakuce
jaya jaya he mahiṣāsuramardini ramyakapardini śailasute || 16||
विजितसहस्रकरैकसहस्रकरैकसहस्रकरैकनुते
कृतसुरतारकसङ्गरतारकसङ्गरतारकसूनुसुते।
सुरथसमाधिसमानसमाधिसमाधिसमाधिसुजातरते
जय जय हे महिषासुरमर्दिनि रम्यकपर्दिनि शैलसुते॥ १७॥
vijitasahasrakaraikasahasrakaraikasahasrakaraikanute
kṛtasuratārakasaṅgaratārakasaṅgaratārakasūnusute |
surathasamādhisamānasamādhisamādhisamādhisujātarate
jaya jaya he mahiṣāsuramardini ramyakapardini śailasute || 17||
पदकमलं करुणानिलये वरिवस्यति योऽनुदिनं स शिवे
अयि कमले कमलानिलये कमलानिलयः स कथं न भवेत्।
तव पदमेव परंपदमेवमनुशीलयतो मम किं न शिवे
जय जय हे महिषासुरमर्दिनि रम्यकपर्दिनि शैलसुते॥ १८॥
padakamalaṁ karuṇānilaye varivasyati yo’nudinaṁ sa śive
ayi kamale kamalānilaye kamalānilayaḥ sa kathaṁ na bhavet |
tava padameva paraṁpadamevamanuśīlayato mama kiṁ na śive
jaya jaya he mahiṣāsuramardini ramyakapardini śailasute || 18||
कनकलसत्कलसिन्धुजलैरनुसिञ्चिनुते गुण रङ्गभुवं
भजति स किं न शचीकुचकुंभतटीपरिरंभसुखानुभवम्।
तव चरणं शरणं करवाणि नतामरवाणिनिवासि शिवं
जय जय हे महिषासुरमर्दिनि रम्यकपर्दिनि शैलसुते॥ १९॥
kanakalasatkalasindhujalairanusiñcinute guṇa raṅgabhuvaṁ
bhajati sa kiṁ na śacīkucakuṁbhataṭīpariraṁbhasukhānubhavam |
tava caraṇaṁ śaraṇaṁ karavāṇi natāmaravāṇinivāsi śivaṁ
jaya jaya he mahiṣāsuramardini ramyakapardini śailasute || 19||
तव विमलेन्दुकुलं वदनेन्दुमलं सकलं ननु कूलयते
किमु पुरुहूतपुरीन्दुमुखीसुमुखीभिरसौ विमुखीक्रियते।
मम तु मतं शिवनामधने भवती कृपया किमुत क्रियते
जय जय हे महिषासुरमर्दिनि रम्यकपर्दिनि शैलसुते॥ २०॥
tava vimalendukulaṁ vadanendumalaṁ sakalaṁ nanu kūlayate
kimu puruhūtapurīndumukhīsumukhībhirasau vimukhīkriyate |
mama tu mataṁ śivanāmadhane bhavatī kṛpayā kimuta kriyate
jaya jaya he mahiṣāsuramardini ramyakapardini śailasute || 20||
अयि मयि दीनदयालुतया कृपयैव त्वया भवितव्यमुमे
अयि जगतो जननी कृपयासि यथासि तथाऽनुमितासि रते।
यदुचितमत्र भवत्युररिकुरुतादुरुतापमपाकुरुते
जय जय हे महिषासुरमर्दिनि रम्यकपर्दिनि शैलसुते॥ २१॥
ayi mayi dīnadayālutayā kṛpayaiva tvayā bhavitavyamume
ayi jagato jananī kṛpayāsi yathāsi tathā’numitāsi rate |
yaducitamatra bhavatyurarikurutādurutāpamapākurute
jaya jaya he mahiṣāsuramardini ramyakapardini śailasute || 21||
{tab=Post-Prayer}
स्तुतिमितस्तिमितः सुसमाधिना नियमतोऽयमतोऽनुदिनं पठेत्।
परमया रमयापि निषेव्यते परिजनोऽरिजनोऽपि च तं भजेत्॥
stutimitastimitaḥ susamādhinā niyamato’yamato’nudinaṁ paṭhet |
paramayā ramayāpi niṣevyate parijano’rijano’pi ca taṁ bhajet ||
रमयति किल कर्षस्तेषु चित्तं नराणामवरजवरयस्माद्रामकृष्णः कवीनाम्।
अकृत सुकृतिगम्यं रम्यपद्यैकहर्म्यं स्तवनमवनहेतुं प्रीतये विश्वमातुः॥
ramayati kila karṣasteṣu cittaṁ narāṇāmavarajavarayasmādrāmakṛṣṇaḥ kavīnām |
akṛta sukṛtigamyaṁ ramyapadyaikaharmyaṁ stavanamavanahetuṁ prītaye viśvamātuḥ ||
इन्दुरम्यो मुहुर्बिन्दुरम्यो मुहुर्बिन्दुरम्यो यतः साऽनवद्यं स्मृतः।
श्रीपतेः सूनूना कारितो योऽधुना विश्वमातुः पदे पद्यपुष्पाञ्जलिः॥
induramyo muhurbinduramyo muhurbinduramyo yataḥ sā’navadyaṁ smṛtaḥ |
śrīpateḥ sūnūnā kārito yo’dhunā viśvamātuḥ pade padyapuṣpāñjaliḥ ||
इति श्रीभगवतीपद्यपुष्पाञ्जलिस्तोत्रम् संपूर्णम्॥
iti śrībhagavatīpadyapuṣpāñjalistotram saṁpūrṇam||
{tab=Video}
Normally, they sing all 21 stanza, but here, on one of the days in the evening, it is different and in a peculiar order. Open your heart and sing along … let the benediction flow.
अयि गिरिनंदिनि नंदितमेदिनि विश्वविनोदिनि नंदनुते
गिरिवरविंध्यशिरोधिनिवासिनि विष्णुविलासिनि जिष्णुनुते।
भगवति हे शितिकण्ठकुटुंबिनि भूरिकुटुंबिनि भूरिकृते
जय जय हे महिषासुरमर्दिनि रम्यकपर्दिनि शैलसुते॥ १॥
ayi girinaṁdini naṁditamedini viśvavinodini naṁdanute
girivaraviṁdhyaśirodhinivāsini viṣṇuvilāsini jiṣṇunute |
bhagavati he śitikaṇṭhakuṭuṁbini bhūrikuṭuṁbini bhūrikṛte
jaya jaya he mahiṣāsuramardini ramyakapardini śailasute || 1||
सुरवरवर्षिणि दुर्धरधर्षिणि दुर्मुखमर्षिणि हर्षरते
त्रिभुवनपोषिणि शंकरतोषिणि किल्बिषमोषिणि घोषरते।
दनुजनिरोषिणि दितिसुतरोषिणि दुर्मदशोषिणि सिन्धुसुते
जय जय हे महिषासुरमर्दिनि रम्यकपर्दिनि शैलसुते॥ २॥
suravaravarṣiṇi durdharadharṣiṇi durmukhamarṣiṇi harṣarate
tribhuvanapoṣiṇi śaṁkaratoṣiṇi kilbiṣamoṣiṇi ghoṣarate |
danujaniroṣiṇi ditisutaroṣiṇi durmadaśoṣiṇi sindhusute
jaya jaya he mahiṣāsuramardini ramyakapardini śailasute || 2||
अयि जगदंब मदंब कदंबवनप्रियवासिनि हासरते
शिखरिशिरोमणितुङ्गहिमालयशृंगनिजालयमध्यगते।
मधुमधुरे मधुकैटभगंजिनि कैटभभंजिनि रासरते
जय जय हे महिषासुरमर्दिनि रम्यकपर्दिनि शैलसुते॥ ३॥
ayi jagadaṁba madaṁba kadaṁbavanapriyavāsini hāsarate
śikhariśiromaṇituṅgahimālayaśṛṁganijālayamadhyagate |
madhumadhure madhukaiṭabhagaṁjini kaiṭabhabhaṁjini rāsarate
jaya jaya he mahiṣāsuramardini ramyakapardini śailasute || 3||
अयि शरणागतवैरिवधूवरवीरवराभयदायकरे
त्रिभुवनमस्तकशूलविरोधिशिरोधिकृतामलशूलकरे।
दुमिदुमितामरदुंदुभिनादमहोमुखरीकृततिग्मकरे
जय जय हे महिषासुरमर्दिनि रम्यकपर्दिनि शैलसुते॥ ६॥
ayi śaraṇāgatavairivadhūvaravīravarābhayadāyakare
tribhuvanamastakaśūlavirodhiśirodhikṛtāmalaśūlakare |
dumidumitāmaraduṁdubhinādamahomukharīkṛtatigmakare
jaya jaya he mahiṣāsuramardini ramyakapardini śailasute || 6||
धनुरनुसंगरणक्षणसंगपरिस्फुरदंगनटत्कबके
कनकपिशंगपृषत्कनिषंगरसद्भटशृंगहतावटुके।
कृतचतुरङ्गबलक्षितिरङ्गघटद्बहुरङ्गरटद्बटुके
जय जय हे महिषासुरमर्दिनि रम्यकपर्दिनि शैलसुते॥ ८॥
dhanuranusaṁgaraṇakṣaṇasaṁgaparisphuradaṁganaṭatkabake
kanakapiśaṁgapṛṣatkaniṣaṁgarasadbhaṭaśṛṁgahatāvaṭuke |
kṛtacaturaṅgabalakṣitiraṅgaghaṭadbahuraṅgaraṭadbaṭuke
jaya jaya he mahiṣāsuramardini ramyakapardini śailasute || 8||
अयि सुमनःसुमनः सुमनः सुमनः सुमनोहरकांतियुते
श्रितरजनीरजनीरजनीरजनीरजनीकरवक्त्रवृते।
सुनयनविभ्रमरभ्रमरभ्रमरभ्रमरभ्रमराधिपते
जय जय हे महिषासुरमर्दिनि रम्यकपर्दिनि शैलसुते॥ ११॥
ayi sumanaḥsumanaḥ sumanaḥ sumanaḥ sumanoharakāṁtiyute
śritarajanīrajanīrajanīrajanīrajanīkaravaktravṛte |
sunayanavibhramarabhramarabhramarabhramarabhramarādhipate
jaya jaya he mahiṣāsuramardini ramyakapardini śailasute || 11||
करमुरलीरववीजितकूजितलज्जितकोकिलमञ्जुमते
मिलितपुलिन्दमनोहरगुञ्जितरन्जितशैलनिकुञ्जनिकुञ्जगते।
निजगुणभूतमहाशबरीगणसद्गुणसंभृतकेलितले
जय जय हे महिषासुरमर्दिनि रम्यकपर्दिनि शैलसुते॥ १५॥
karamuralīravavījitakūjitalajjitakokilamañjumate
militapulindamanoharaguñjitaranjitaśailanikuñjanikuñjagate |
nijaguṇabhūtamahāśabarīgaṇasadguṇasaṁbhṛtakelitale
jaya jaya he mahiṣāsuramardini ramyakapardini śailasute || 15||
विजितसहस्रकरैकसहस्रकरैकसहस्रकरैकनुते
कृतसुरतारकसङ्गरतारकसङ्गरतारकसूनुसुते।
सुरथसमाधिसमानसमाधिसमाधिसमाधिसुजातरते
जय जय हे महिषासुरमर्दिनि रम्यकपर्दिनि शैलसुते॥ १७॥
vijitasahasrakaraikasahasrakaraikasahasrakaraikanute
kṛtasuratārakasaṅgaratārakasaṅgaratārakasūnusute |
surathasamādhisamānasamādhisamādhisamādhisujātarate
jaya jaya he mahiṣāsuramardini ramyakapardini śailasute || 17||
तव विमलेन्दुकुलं वदनेन्दुमलं सकलं ननु कूलयते
किमु पुरुहूतपुरीन्दुमुखीसुमुखीभिरसौ विमुखीक्रियते।
मम तु मतं शिवनामधने भवती कृपया किमुत क्रियते
जय जय हे महिषासुरमर्दिनि रम्यकपर्दिनि शैलसुते॥ २०॥
tava vimalendukulaṁ vadanendumalaṁ sakalaṁ nanu kūlayate
kimu puruhūtapurīndumukhīsumukhībhirasau vimukhīkriyate |
mama tu mataṁ śivanāmadhane bhavatī kṛpayā kimuta kriyate
jaya jaya he mahiṣāsuramardini ramyakapardini śailasute || 20||
अयि मयि दीनदयालुतया कृपयैव त्वया भवितव्यमुमे
अयि जगतो जननी कृपयासि यथासि तथाऽनुमितासि रते।
यदुचितमत्र भवत्युररिकुरुतादुरुतापमपाकुरुते
जय जय हे महिषासुरमर्दिनि रम्यकपर्दिनि शैलसुते॥ २१॥
ayi mayi dīnadayālutayā kṛpayaiva tvayā bhavitavyamume
ayi jagato jananī kṛpayāsi yathāsi tathā’numitāsi rate |
yaducitamatra bhavatyurarikurutādurutāpamapākurute
jaya jaya he mahiṣāsuramardini ramyakapardini śailasute || 21||
{/tabs}
